ტირამისუ ტრადიციული იტალიური დესერტია. იტალიაში მას საკმაოდ თხევადი ამზადებენ: „ფენები“ მზადდება წყალში და ყავაში დამბალი ორცხობილებისგან, ხოლო კრემი მასკარპონეს ყველისგან.
ჩვენი უმი რეცეპტი, იტალიური ტრადიციის მიხედვით, მსგავსი კონსისტენციისაა, ამიტომ უმჯობესია დაუყოვნებლივ მიირთვათ მინის სასერვირებელ თასებში.
ჩამოთვლილი ინგრედიენტები 4 პორციისთვისაა. ეს დესერტი ძალიან ნოყიერია და მისი გემო უბრალოდ ჯადოსნურია!
ტირამისუ ფენებად მზადდება.
ცომი:
- 1 ჭიქა გაფცქვნილი თეთრი ნუში;
- თხილი 1 ჭიქა;
- 1 ს.კ. კერბო;
- ცომში 1 ს.კ. ვარდკაჭაჭა + 2 ს.კ. ნამცხვრის ფენების მოსაყრელად;
- 3 ს.კ. თაფლი;
- 1/2 ჭიქა ნებისმიერი ვეგანური რძე.
ბლენდერში დაფქვით ნუში და თხილი ფქვილში. დაუმატეთ ყველა დარჩენილი ინგრედიენტი და კარგად აურიეთ. მიღებული სველი ცომი გაყავით შუაზე. ფორმის ძირში ერთი ნახევარი გაანაწილეთ. მოაყარეთ 1 ს.კ. გაცრილი ვარდკაჭაჭა და მოასხით ნაღები.
კრემი:
- 1 + 1/2 ჭიქა კეშიუ;
- 1 ჭიქა ნებისმიერი ვეგანური რძე;
- 4 ს.კ. თაფლი;
- 2 ჩ.კ. ვანილი;
- 2 ჩ/კ ლიმონის წვენი;
- 1 ს/კ ვარდკაჭაჭა მოსაყრელად.
კეშიუ ბლენდერში ფქვილში დაფქვით. დაუმატეთ ყველა დარჩენილი ინგრედიენტი. კვლავ ათქვიფეთ ერთგვაროვანი მასის მიღებამდე. კრემის ნახევარი მოასხით ნამცხვრის ფენას. ნამცხვარი ერთი საათით გაყინეთ.
ერთი საათის შემდეგ, გამოიღეთ საყინულედან, ზემოდან დაადეთ ნამცხვრის დარჩენილი ფენა და მოაყარეთ კიდევ 1 ს/კ გაცრილი ვარდკაჭაჭა. ზემოდან მოასხით დარჩენილი კრემი და მოაყარეთ 1 სუფრის კოვზი გაცრილი ვარდკაჭაჭა.
არსებობს ორი ვარიანტი:
1. რბილი, ნაზი ტირამისუს მისაღებად, მზა დესერტი მიტანის წინ ერთი საათით შედგით მაცივარში. მომზადების პროცესშივე ჩამოაყალიბეთ ცალკეულ თასებში;
2. ისეთივე გემრიელი ნაყინის ნამცხვრის მისაღებად, მთელი ღამით შედგით მაცივარში და მიტანის წინ 20 წუთით ადრე ამოიღეთ. ამ ვერსიისთვის უმჯობესია დესერტი მოათავსოთ მოსახსნელი გვერდების მქონე ნამცხვრის ფორმაში.
თუ ინგრედიენტების რაოდენობას გაზრდით ან ვიწრო რადიუსის მქონე კერძს გამოიყენებთ, ტირამისუ შეგიძლიათ 6 ან 8 ფენად განალაგოთ. აირჩიეთ თქვენთვის ყველაზე შესაფერისი ვარიანტი! )))
